Томоқ оғриғининг олдини олиш мумкинми?
Маълумки, томоқ оғриғининг сабаби кўпинча инфекциядир – вируслар (кўп ҳолларда), бактериялар ва замбуруғлар. Шунинг учун, кўриниб турибдики, инфекция юқишидан сақланиш зарур. Бироқ, инсон жамиятнинг бир қисми бўлган замонавий дунёда алоқалардан қоча олмайди.
Инсон ўзини қандай ҳимоя қилиши керак?
Қоидалар оддий:
- жамоат жойларида бўлиб қайтганингиздан кейин ҳар сафар қўлингизни ювинг; вестибюлга фақат почта олиш ёки ахлатни олиб чиқиш учун чиққан бўлсангиз ҳам, уйга келганингизда қўлингизни ювинг
- юзга, айниқса кўз, оғиз ва бурунга тегмасликка ҳаракат қилинг, чунки шиллиқ пардаларга тушадиган вируслар ва бактериялар кўпайишни бошлайди
- овқат, вилка-пичоқ, сув идиши, салфетка ёки сочиқни ҳеч ким билан бўлишманг
- телефонингизни жамоат жойларида, масалан, ресторанда турли жойларга қўйманг, уни чўнтагингизда ёки сумкангизда қолдиринг, жамоат ҳожатхонасига кирганингизда раковинага қўйманг
- тренажёр залига борганингизда телефонингизни ўзингиз билан олиб борсангиз, тренажёрга қўйманг, бўйнингизга сочиқ илиб олганингиз маъқул
- агар ҳамкасбингиз ёки дўстингизда шамоллаш аломатлари бўлса, қўл бериш ва қучоқлашишдан сақланинг
Мавсумий инфекциялар пайтида иммун тизимини қандай мустаҳкамлаш мумкин?
Ҳаммамиз биламизки, ЎРВИ куз ва қишда ёзга қараганда анча кўп учрайди. Томоқ оғриғи ЎРВИ аломатларидан биридир. Иммунитетимиз қанчалик кучли бўлса, танамиз вирусларга шунча камроқ чалинади.
- Уйқу жадвалингизни иложи борича доимий сақлашга ҳаракат қилинг – яхши уйқу танангизга тикланиш имкониятини беради.
- Организм захираларининг камайиб кетмаслиги учун тамоларимиз витаминлар ва микроэлементларга бой бўлиши керак; кўпроқ янги сабзавот ва мевалар, ёнғоқ истеъмол қилинг; «тезкор» (ширинликлар, ун маҳсулотлари) ва секин (донли) углеводларни танлашда «секин»ни танланг.
- Етарлича суюқлик ичинг, оддий сув ёки чой ичинг, чунки шарбатларда кўп миқдордаги шакар мавжуд.
- Чекманг
- Жуда кўп спиртли ичимликлар ёки қаҳва ичманг
Мунтазам равишда машқ қилинг. Уйда 15-20 дақиқалик бадантарбия ёки 30 дақиқалик тез юриш танани яхши сақлашга ёрдам
Агар томоқ оғриғи ҳақида гапирадиган бўлсак, яна бир нечта оддий маслаҳатлар мавжуд:
- Совқотмаслик – палто ёки куртка киймасдан ташқарига чиқманг, об-ҳавога қараб кийиниш керак.
- Об-ҳавога мос пойабзал кийинг.
- Совуқ ҳавода бақирманг, баланд овозда ва кўп гапирманг – бу овоз пайларининг стрессини келтириб чиқариши мумкин.
- Агар ташқарида ҳаво совуқ бўлса, бурун орқали нафас олишга ҳаракат қилинг
- Хонада етарли намликни сақлашга ҳаракат қилинг.
Манбалар:
- https://healthplans.providence.org/fittogether/find-your-fit/prevention/oral-health/prevention-is-the-best-medicine-for-strep-throat/#:~:text=Prevention%20is%20always%20best&text=We%20can%20also%20avoid%20sore,shirtsleeve%2C%20not%20in%20our%20hands.
- https://www.webmd.com/oral-health/understanding-strep-throat-prevention#2
