РУС ЎЗБ
Сенинг томоғинг - сенинг кучинг

Болаларда томоқ оғриғи

Юқори нафас йўллари инфекцияси болаларда 3 баробар кўпроқ учрайди. Шундай қилиб, томоқ оғриғи болаликдаги кўп тарқалган муаммолардан бири ҳисобланади. Бундан ташқари, болалардаги томоқ оғриғи бурун битиши, кўз қизариши ҳарорат кўтарилиши ва умумий ҳолсизлик билан кузатилади.

Қуйидаги ҳолларда болалар организми инфекцияга берилувчан бўлади:

  • Умумий соғлиғи заифлигида;
  • Бошқа болалар билан контактда (болалар боғчасида, мактабда);
  • санитар-гигиеник яшаш шароити номутаносиб бўлганда.

Инфекцион жараённи даволаш усули уни келтириб чиқарган сабабга боғлиқ ҳолда бўлади. Енгил вирусли ва бактериал инфекцияларда даволаниш ётоқ режимини қўллаш ва томоқ оғриғини сабабини бартараф этувчи ва симптомларини енгиллаштирувчи дори воситаларини қўллаш билан чекланиши мумкин.

Оғир ҳолларда албатта шифокор маслаҳати зарур. Қуйидаги ҳолларда шифокор маслаҳати керак:

  • томоқдаги оғриқ ва яллиғланиш ягона симптом ва у 48 соатдан ортиқ давом этса;
  • томоқдаги оғриқ ва яллиғланиш билан бирга кечувчи симптомлар 5 кундан ортиқ давом этса;
  • тана юқори ҳарорати 3 кундан ортиқ давом этса;
  • умумий аҳволи ёмонлашиб бораверса;
  • нафас олиш билан боғлиқ қийинчиликлар туғилса;
  • суюқлик ёки сўлак ютиш қийинчилиги юзага келса;
  • организм сувсизланган ҳолатлар;
  • бола ўткир фарингитли бемор билан мулоқотда бўлган бўлса;
  • томоқдаги яллиғланиш қулоқда ёки бурун синусларида оғриқ билан кечса;
  • тошма пайдо бўлса;
  • бола ёши 2 ёшдан кичик бўлса.

Муҳим!

Томоқдаги оғриқдан болалар овқат ва суюқлик истеъмол қилишдан бош тортадилар, бу организмни сувсизланишига олиб келиши мумкин. Шунинг учун томоқдаги оғриқни имкон қадар тез бартараф қилиш керак.